Abstract:
Ko tēnei pukapuka he whakahiatotanga rangahau i ngā momo ako i te tikanga ā iwi e kitea ana he papātanga whaihua i runga i ngā putanga ako huhua e koroingotia mō te ākonga: putanga ā-hinengaro, ā-pūkenga, ā-whakauru, ā-kare ā-roto hoki. He wāhi tino nui tonu kei te mātauranga tikanga ā iwi ki te whakawhanake i te tairongo tuakiri o ngā ākonga, ki te whakaawe i ngā ara e mārama ai, e uru atu ai, e whaiwāhi atu ai hoki ngā ākonga ki ō rātou hapori ā-rohe, ā-motu, me te ao whānui anō hoki. Ko ngā mātāpono pūtoi ako tōtika tekau-mā-rua kei te miramirangia e tēnei pukapuka i whakaritea i runga i ngā kitenga matua mai i ngā taunaki e pā ana ki te ako tōtika i roto i te tikanga ā iwi (tae atu hoki ki te tikanga ā iwi, te hītori, te matawhenua, te ōhanga, ngā akoranga o ngā Kariki me ngā Romana me ētahi atu kaupeka o te tikanga ā iwi). Ko ngā kitenga e whā–arā, te hāngaitanga, te hononga, te hapori me te kaingākautanga–e tautuhi ana i ētahi whakamāramatanga tauwhānui me pēhea te whakaako e tautoko ai i te whakatutukitanga a ngā ākonga i ngā putanga whai tikanga.
