Abstract:
Whakarāpopototanga E rua ngā pātai pakirehua ka tūhuratia, ka wānangatia hoki, i roto i tēnei tuhinga roa. Tuatahi, he aha ngā hononga kei waenganui i ngā paerewa ngaio ā-motu kua whakaritea mō ngā pouako o Aotearoa me te whakawhanake i ngā pūkenga whaikōrero me ngā pūkenga karanga o te pouaka pīrere? Tuarua, he aha ngā tūmomo hua ka puta mai i te whanaketanga o ngā pūkenga karanga, pūkenga whaikōrero hoki, o te pouako pīrere e āwhinatia ai tōna tupuranga hei pouako ngaio? Ka whakautua ēnei pātai mā te titiro ki ngā tauira kei roto i te hōtaka o te Huarahi Māori e whakangungua ana hei pouako mō te kura rumakanga, mō Te Kura Kaupapa Māori rānei, mō te akomanga reo rua rānei. Ka whakamāramatia mai hoki ngā tohu angitu me ngā hua ka puta mai mō te paepae o te marae o Te Aka Matua ki Te Pou Hawaiki, te marae o Te Kura Akoranga o Te Whare Wānanga o Tāmaki-makau-rau. Ka whakamahukitia ngā hua wā poto me ngā hua wā roa ka puta mō te pouaka pīrere, otirā, mō te ao Māori.
